२३ जेठ २०८३, शनिबार
काठमाडौं – युरोपको स्लोभेनियामा दूधको प्याकेटमा कथा छापिने गरेको छ ।
देशमा साक्षरता दर घट्दै गएकाले बच्चाहरूलाई किताब पढ्नका लागि प्रेरणा दिन तथा उनीहरूमा सकारात्मक विचार प्रोत्साहन गर्न यसो गरिएको हो ।
बच्चाहरू सुत्ने बेलामा बुवाआमाले सुनाउने कथा नै प्याकेटमा छापिएको हो ।
यो पहलको शुरूआत युरोपको मार्केटिङ एजेन्सी फ्युचरा डीडीबी ल्युबल्याना र रिटेलर कम्पनी स्पार स्लोभेनियाले मिलेर गरेका हुन् ।
हालै गरिएको एक सर्वेक्षणमा स्लोभेनियाको साक्षरता दर युरोपका अन्य देशको तुलनामा औसतभन्दा पनि कम छ । त्यहाँ प्रत्येक चारमध्ये एक व्यक्तिले आफ्नो भाषा पढ्न सक्दैन । बच्चाहरूमा किताब पढ्ने बानी घटेको छ ।
त्यसैले गर्दा यो पहल शुरू गरिएको हो । मानिसहरूको भाषामा सुधार ल्याएर साक्षरता दर बढाउने अपेक्षा गरिएको छ ।
लेखक बोस्जन गोरेन्क–पिजामा दूधको प्याकेटमा छापिने कथा लेखिरहेका छन् । केही कथा चाहिँ अभिभावकहरूका लागि लेखिएको छ । उनीहरूले पनि सुत्नुअघि आफ्नो पढ्ने बानी सुधारून् भनी यसको गरिएको हो ।
कथा सुनाउँदा बच्चा र अभिभावकहरूबीच प्रेम र लगाव बढ्ने अपेक्षा गरिएको छ । अनि राति अबेरसम्म फोन र ट्याब्लेट चलाउने बानीमा छुट्नेछ ।
दूधको प्याकेटमा छापिने कथाहरू द मिल्क बूक्स नामबाट प्रसिद्ध छ । यसले घरहरूमा किताब पढ्ने बानीलाई पुनर्जीवित गरेर खुशी ल्याइरहेको छ ।
सरकारले स्लोभेनियाका विद्यालयलाई आर्थिक सहायता दिने अनि पुस्तकालयका लागि धेरै किताब किन्ने योजना ल्याएको छ । पढ्ने बानीलाई यसले प्रवर्द्धन गर्छ ।
एजेन्सी
