०१ असार २०८३, सोमबार
काठमाडौं – लन्डनमा १२औं शताब्दीको एक चेसको गोटीको लिलाम बिक्री गरिएको छ ।
पचपन्न वर्षअघि ६ डलर (६६१.२३ रुपैयाँ) मा किनेको गोटी लगभग १० करोड रुपैयाँमा लिलामबिक्री भएको हो ।
यो गोटीलाई स्कटल्यान्डका एक व्यक्तिले सन् १९६५ मा किनेका थिए । अघिल्लो महिना मात्र उनको परिवारले दराजमा यो गोटी भेटे ।
कलाकृतिको व्यापार गर्ने कम्पनी सोदबीले गराएको लिलामबिक्रीमा गोटी किन्ने मानिसको नाम खुलासा गरिएको छैन ।
गोटी लिलामीमा राख्ने परिवारले विगत ५५ वर्षदेखि यो दराजमै थन्किएको बताए । यो १२औं शताब्दीको गोटी भएको उनको भनाइ छ ।
गोटी ३.५ इन्च लामो छ । दाह्री पालेको व्यक्तिको आकृति कुँदिएको गोटीमा दाहिने हातमा तरवार जस्तो हतियार र देब्रे हातमा ढाल छ । परिवारले आशा गरे जति नै रकम पायो ।
यो गोटी समुद्री जीव वालरसको दाँतबाट बनाइएको हो ।
विज्ञहरूका अनुसार, सन् १८३१ मा फेला परेका ९३ गोटीमध्ये एक हा यो । यी गोटीहरू नर्वेमा फेला परेका थिए । लन्डनको ब्रिटिश म्युजियम र स्कटल्यान्डको नेसनल म्युजियममा यी गोटी राखिएका छन् । पाँचवटा गोटी अहिलेसम्म पनि गायब छन् ।
एजेन्सी
