२५ जेठ २०८३, सोमबार
काठमाडौं – आइतवार पेरिसमा बेस्टिल डेको उत्सव मनाइएको छ । उक्त समारोहमा एक मानिसमा सबैजनाको नजर परेको थियो ।
उनी मशिनगन लिएर हावामा यताउता गश्ती गरिरहेका थिए ।
एउटा सानो वाहनमा चढेर उनी उताउता गरिरहेका थिए । खासमा त्यो जेट पावर्ड एरियल भेहिकल थियो र त्यसलाई आविष्कारक फ्र्यांकी जपाटाले उडाइरहेका थिए । जपाटाले आफ्नो वाहनलाई फ्लाइङ बोर्ड भन्ने गरेका छन् ।
फ्रान्स स्पेसल फोर्सेसले फ्लाईबार्डलाई आफ्नो योधागारमा समावेश गर्ने सोच बनाइरहेको छ ।
बेस्टिल डे फ्रान्सको राष्ट्रिय दिवस हो । उक्त दिवसको समारोहमा फ्रान्सका राष्ट्रपति इम्मानुएल म्याक्रों र जर्मनीकी चान्सलर एंगेला मर्कल लगायत नेताहरू थिए । म्याक्रों फ्लाइङ सोल्जरबाट निकै प्रभावित भए । उनले एक भिडियो पनि शेयर गरेर क्याप्सनमा लेखे, ‘हामीलाई आफ्नो सेनाप्रति गर्व छ । यो आधुनिक र इन्नोभेटिभ छ ।’
Fier de notre armée, moderne et innovante. pic.twitter.com/DQvIfPolQf
— Emmanuel Macron (@EmmanuelMacron) July 14, 2019
यो फ्लाईबोर्ड १९० किलोमिटर प्रतिघन्टाको गतिमा हावामा उड्न सक्छ । यसको टप स्पीड २०० किलोमिटर प्रतिघन्टा छ ।
यसले १०० किलोग्राम तौलका साथ १० मिनेटका लागि १५० मिटरको उचाइसम्म उड्न सक्छ । तर यसको अधिकतम सीमा यसभन्दा बढी छ ।
फ्लाईबार्डको मूल्य दुई लाख ५० हजार डलर छ ।
एजेन्सी
