०९ असार २०८३, मंगलबार
काठमाडौं – पपुआ न्यु गिनीमा अवतरण गर्ने क्रममा प्रशान्त महासागरमा दुर्घटनाग्रस्त भएको विमानको ककपिटको भिडियो फूटेज सार्वजनिक भएको छ ।
सन् २०१८ को सेप्टेम्बर महिनामा उक्त दुर्घटना भएको थियो र त्यसको भिडियो सोमवार सार्वजनिक गरिएको हो ।
उक्त दुर्घटनामा एकजना पुरुष यात्री मारिएका थिए भने अन्य नौजना घाइते भएका थिए । विमानमा रहेका ३४ यात्रीहरू वेनो टापुनजिक रहेको चूक लागूनबाट सुरक्षित उद्धार गरिएका थिए ।
धावनमार्गले चेतावनीको बत्ती बाल्दै विमान मास्तिर तान्न भनी अनेकौं सन्देश दिएको भए पनि पाइलटहरूले त्यसलाई बेवास्ता गरेको दुर्घटनाको अनुसन्धानका क्रममा खुलेको छ ।
अनुसन्धान प्रतिवेदनमा पाइलटहरूले पहिलेपहिले पनि विमानस्थलमा अवतरण गर्दा चेतावनीलाई बेवास्ता गर्ने गरेको उल्लेख गरिएको छ ।
तर यस दुर्घटनामा चाहिँ आँधी आएकाले पाइलटहरूले धावनमार्ग नदेखेको र पेलेर अघि बढ्न खोज्दा विपतको सामना गर्नुपरेको पाइएको छ ।
दुर्घटनाका लागि दोषारोपण गरिएको भए पनि पपुआ न्यु गिनीका पाइलट र अस्ट्रेलियाली कोपाइलटको नाम प्रतिवेदनमा सार्वजनिक गरिएको छैन ।
MORE VIDEOS 123
एजेन्सी
