काठमाडौं–नेपालका बैंकको एटीएम ह्याक गर्ने चिनियाँ ह्याकर समुहका एक व्यक्ति त्रिभुवन अन्तराष्ट्रिय विमानस्थालबाट भाग्दाभाग्दै पक्राउ परेका छन् । सोमबार चिनियाँ ह्याकर समुहमध्येका एकलाई गएराती विमानस्थलबाट पक्राउ गरिएको महानगरियप्रहरी परिसरका प्रवक्ता डीएसपी होविन्द्र बोगटीले बताए । 

पक्राउ पर्नेमा चिनियाँ नागरिक सु लु सिङ रहेका छन् । उनीमाथि आवश्यक अनुसन्धान भैरहेको  बोगटीले बताए । उनका अनुसार, अझै दुई जना फरार रहेको र प्रहरीले खोजीकार्य गरिरहेको छ ।

शनिबार दरबारमार्गबाट प्रहरीले चिनियाँ ह्याकर समूहका पाँच जनालाई पक्राउ गरेको थियो । उनीहरुको साथबाट एक करोड २६ लाख २९ हजार ४५ नेपाली रुपैयाँ र ९ हजार १ सय ८ अमेरिकी डलर बरामद गरिएको थियो ।