काठमाडौं– ईरानले सन् २०१५ को परमाणु सम्झौतामा लगाइएको प्रतिबन्ध दुई महिनाभित्र खुला गर्न चेतावनी दिएको छ । इरानी राष्ट्रपति हसन रूहानीले बुधबार परमाणु सम्झौतामा लगाइएको प्रतिबन्ध स्विकार नगर्ने घोषणा गर्दै ६० दिनभित्र प्रतिबन्ध हटाउन माग गरेका हुन्  ।

यूरेनियमको सम्बद्धनका लागि ‘सेन्ट्रीफ्यूज’को प्रयोग  गरिएको थियो । वाशिंगटन पोस्टका अनुसार रुहानीले यो निर्णयले शुक्रबारबाट प्रभाव पार्ने बताएका छन् ।  

ईरानलाई केही प्राविधिक आवश्यकताहरु भएको भन्दै उनले तुरुन्त अनुसन्धान गरिने बताएका छन् । यसको निरिक्षण संयुक्त राष्ट्रको परमाणु निगरानी गर्ने संस्था इन्टरनेशनल अटोमिक इनर्जी एजेन्सीले गर्ने उनले बताएका छन् । रूहानीले यूरोपीयन देशको यस सम्झौतालाई खुला गर्नका लागि ६० दिनको समय दिएका छन् ।

यसैबीच, अमेरिकी राष्ट्रपति डोनाल्ड ट्रम्पले बुधबार यस महिनामा हुने संयुक्त राष्ट्र महासभाको बैठकपछि ईरानी राष्ट्रपति हसन रूहानीसँग बैठक हुन सक्ने बताएका छन् ।