काठमाडौं – चीनको हेनान प्रान्तमा रहेको एक सर्कस हेर्न गएका मानिस पिँजडाभित्रको बाघ बाहिर निस्केपछि भागाभागमा परेका छन् । 

घटनाको भिडियो फूटेजमा बाघ पिँजडाको माथिल्लो भागबाट भागेको देखिन्छ । 

उक्त बाघ सर्कसबाहिर निस्केपछि सडक पुगेको अनि कारहरूमा ठोकिएर मरेको स्थानीय चिडियाखानाले जनाएको छ । 

शुक्रवार बिहान ९ बजेतिर बाघ भागेको थियो ।

भागेर ऊ नजिकैको मकैबारी पुगेको युआनयाङ कम्युनिस्ट पार्टी कमिटीको प्रचार विभागले जनाएको छ । 

प्रहरी र स्थानीय अधिकारीहरूले १२ घन्टापछि बाघ फेला पारेका थिए । 

ड्रोन र थर्मोग्राफिक क्यामराको सहायता लिएर गरिएको खोजपछि बाघ भेटिएको हो । 

शिङशियाङ चिडियाखानाका एक प्रवक्ताले स्थानीय दाहे दैनिकलाई चिडियाखाना ल्याइँदा बाघ मरिसकेको बताए । 

गुडिरहेका गाडीमा ठोकिएर बाघको मृत्यु भएको हुन सक्ने प्रवक्ताको आशंका छ । 

स्थानीय अधिकारीहरूले घटनाको अनुसन्धान गरिरहेका छन् । 

सर्कस समूहका दुई निर्देशकलाई प्रहरी अनुसन्धान जारी रहुन्जेलका लागि हिरासतमा लिइएको छ ।

एजेन्सी