ताप्लेजुङ, १९ चैत– ताप्लेजुङको प्रशिद्ध तिर्थस्थल पाथिभरा जाँदै गरेका एक श्रद्धालुको बाटोमै मृत्यु भएको छ ।

आठ जनाको टोलिसँगै पाथिभरा दर्शनका लागि हिँडेका मोरङ टंकिसिनिबारी– १ निवासी ५० वर्षीय कुमार बानियाँको गएराती बिच बाटोमै मृत्यु भएको हो ।

पाथिभरा दर्शका लागि हिँडेका बानियाँ भालुगौडे पुगेपछि बेहोस भएका थिए । प्रहरीका अनुसार सोही स्थानमा प्राथमिक उपचार गरी थप उपचारका लागि जिल्ला अस्पताल ताप्लेजुङ ल्याउने तयारी गरिरहेका बेला बानियाँको मृत्यु भएको हो ।

मृतक बानियाँ नेपाल विद्युत प्राधिकरण इलाम शाखामा कार्यरत प्राविधिक रहेको बुझिएको छ । अहिले उनको शव पोष्टमार्टमका लागि जिल्ला अस्पताल ताप्लेजुङमा राखिएको छ ।