काठमाडौं, १९ चैत– पाराग्वेमा राष्ट्रपतिलाई दोस्रोपटक चुनावमा उमेदवार बन्न मिल्ने एक विधेयक विरुद्धको प्रदर्शन हिंसात्म भएको छ । आन्दोलनकारीहरुले देशको संसद भवनमा आगोलगाएका छन् ।
प्रमुख प्रतिपइाी दलका प्रमुखले एक आन्दोलनकारीको प्रहरीले चलाएको गोलीलागेर मृत्यु भएको बताएको बीबीसीले जनाएको छ । प्रदर्शनकारीले संसदको भवन, झ्याल ढोकाहरु तोडफोड गरेका छन् ।
पाराग्वेमा ३५ वर्षको तानाशाही शासनपछि सन् १९९२ मा जारी गरिएको संविधानमा संशोधन गरिएको थियो जसमा राष्ट्रपतिको कार्यकाल पाँच वर्षको हुने र उनले एक पटक मात्र चुनावमा भाग लिन पाउने व्यवस्था गरिएको थियो ।
तर वर्तमान राष्ट्रपति होरासिया कार्टसले संविधान संशोधन गरेर दोस्रोपट राष्ट्रपति चुनावमा लड्ने तयारी गरेसँगै विपक्षीहरु आन्दोलित भएका हुन् ।
शुक्रबार राति राष्ट्रपतिको यो कदमको विरोधमा आन्दोलनहरु भएका तस्वीरहरु सार्वजनिक भएका थिए । उनीहरुले विलको समर्थन गर्नेहरुमाथि आक्रमणसमेत गरेका छन् ।
स्थानीय सञ्चारमाध्यमहरुका अनुसार आक्रमणमा कयौं नेता र प्रदर्शनकारी घाइते भएका छन् ।
