०९ असार २०८३, मंगलबार
काठमाडौं – टाउको नभएको बिरालो जस्तो देखिने रोबोटिक सिरानीले त्यसमा टाउको अड्याउने व्यक्तिलाई शान्त बनाउने दाबी गरिएको छ ।
कूबो नामक जापानी रोबोट सिरानीको यान्त्रिक पुच्छर छुँदा हल्लिन्छ र यसले जनावरको लचिलो र सुन्दर गतिविधिको नक्कल गर्छ ।
यो रोबोट प्रयोगकर्ताको चिन्ता, अवसाद र थकानको अनुभूतिलाई हटाउन बनाइएको हो ।
‘यसलाई मुसार्दा यो यताउता हल्लन्छ । यसले कहिलेकाहीँ पुच्छर हल्लाएर हेलो भन्छ । जनावरले मुटु छोएझैं यसले आराम दिन्छ,’ रोबोट बनाउने युकाइ इन्जिनीयरिङले जनायो ।
यो डिभाइस एक किकस्टार्टर अभियानका कारण सम्भव भएको हो । उक्त अभियानमा लगभग एक लाख २० हजार डलर उठाइएको थियो ।
अभियानलाई समर्थन गर्नेहरूलाई कम्पनीले ९०० वटा डिभाइस पठाएको छ ।
बर्लिनमा आयोजित आईएफए २०१९ व्यापारमेलामा यो रोबोट प्रदर्शनीमा राखिएको थियो र त्यसयता १० हजार रोबोछ बिकिसकेको एभी क्लबले लेखेको छ ।
जापानी कम्पनीले साँच्चिकै जस्तो देखिने पुच्छर बनाउन निकै मेहनत गरेको छ ।
चिन्ता तथा अवसादमा परेका ३८ जना सहभागीमाथि रोबोटको असर जाँच्नका लागि अध्ययन गरिएको थियो ।
एजेन्सी
