काठमाडौं – कजाखास्तानकी आलुआ आसेत्कीजी अब्जालबेकले सिरानीमुनि स्मार्टफोन चार्जमा राखेर पल्टिएकोमा त्यो पड्किएर उनको मृत्यु भएको छ । 

यी १४ वर्षीया किशोरी फोन चार्जमा राखेर संगीत सुनिरहेकी थिइन् । 

फोनको ब्याट्री उनको टाउकोनजिक पड्केपछि भोलिपल्ट बिहान उनी मृत अवस्थामा फेला परेकी थिइन् । 

उनको डिभाइस पावर सकेटमा जोडिएको प्रहरीले बतायो । उनको टाउकोमा गम्भीर चोटपटक लागेको र उनको तत्कालै मृत्यु भएको बताइएको छ । 

उनका नातेदारहरूले तत्कालै स्वास्थ्यसेवकहरू बोलाएको भए पनि उनको मृत्यु भइसकेको थियो । 

फोरेन्सिक विज्ञहरूले मोबाइल धेर तातेर बिहान सखारै पड्किएको पुष्टि गरे । 

स्मार्टफोनको ब्रान्डको खुलासा गरिएको छैन । 

एजेन्सी