चितवन, २१ चैत– नारायणगढ–मुग्लिन सडक खण्ड विस्तारको काम चलिरहेका बेला ठूलो दुर्घटना भएको छ । दुर्घटनामा ठूलो मानवीय क्षति भएको आशंका गरिएको छ ।
नारायणगढ–मुग्लिन सडक खण्डको घुमौने मोडमा पहाड खस्दा करिव आधा दर्जन सवारी साधान पुरिएको खबर आएको छ । पहाडको ढिस्कोमा कति सवारी साधन पुरिए भन्नेबारेमा एकिन जानकारी आउन नसकेको चितवन प्रहरीले जनाएको छ ।
प्रत्यक्षदर्शीका अनुसार ढिस्कोमा यात्रुवहाक कार र स्काभेटर पुरिएको देखिएको छ । कार र स्काभेटरभित्र कति मानिस थिए भन्ने जानकारी आउन सकेको छैन ।
घटनालगत्तै प्रहरी टोली दुर्घटना स्थलमा पुगेको छ । अहिले उद्दार कार्य सुरु भएको जनाइएको छ ।
