०९ साउन २०८३, शनिबार
काठमाडौं –नेपाल कम्युनिष्ट पार्टी (नेकपा)ले मंसिर १४ मा हुने उपनिर्वाचनम नेकपाको उम्मेदवार टुंगो लगाउन प्रदेश तथा तल्लो तहका कमिटीहरूलाई निर्देशन दिएको छ ।
बुधवार प्रधानमन्त्री निवास बालुवाटारमा बसेको सचिवालय बैठकले उपनिर्वाचनका लागि उम्मेदवार सिफारिस तथा टुंगो लगाउन निर्देशन दिएको नेकपाका प्रवक्ता नारायणकाजी श्रेष्ठले जानकारी दिएका हुन् ।
उपनिर्वाचनमा प्रतिनिधिसभा र प्रदेश सभा सदस्यहरूको उपनिर्वाचनको हकमा सम्बन्धित निर्वाचन क्षेत्र स्तरको कमिटी र जिल्ला कमिटीको परामर्शमा प्रदेश कमिटीले ३ जनाको नाम कात्तिक १० भित्रमा सिफारिस गर्न निर्देशन दिएको हो ।
यस्तै बैठकले संगठन विभागमा ३ जना सदस्य समेत थप गरेको छ । विभागमा अष्टलक्ष्मी शाक्य, भानुभक्त ढकाल र हरि अधिकारीलाई चयन गरिएको प्रवक्ता श्रेष्ठले बताए ।
