काठमाडौं – वैज्ञानिकहरूले मुसालाई साना खेलौना कार चलाउन सिकाएका छन् । यसबाट मुसाहरू सोचेभन्दा बुद्धिमान् भएको संकेत पाइएको छ । 

मुसाहरूलाई साना कारमा चढ्न, पञ्जाले ह्यान्डलबार समात्न र बाटोको कुनामा रहेको खानातर्फ कार गुडाउन सिकाइएको थियो । 

मुसाहरूले अद्वितीय तरिकाले कार गुडाएको र अनौठो गरी स्टेयरिङ घुमाएको वैज्ञानिकहरूले पाए । 

रिचमोन्ड विश्वविद्यालयको एक टोलीले उक्त परीक्षण गरेको हो । उनीहरूले विद्युतीय सर्किट पूरा गर्ने मुसाहरूका लागि कार चलाउने गरी डिजाइन गरेको न्यु सायन्टिस्टले लेख्यो । 

कारका साना भागहरू प्लास्टिक, एल्युमिनियम र पित्तलबाट बनाइएका हुन् । 

कार सही रूपमा चल्नका लागि मुसाहरूले कारको भुयँमा उभिने र पञ्जाले पित्तलको बार समात्ने काम गर्नुपर्छ ।

टोलीले ६ वटा पोथी र एकवटा भाले मुसालाई ट्य्राकमा कार गुडाउन सिकाएका थिए । 

कार चलाएबापत उनीहरूलाई फलफूल उपहार दिइएको थियो । 

यो परीक्षणले मुसाहरू पहिले सोचेको भन्दा बढी बुद्धिमान् रहेको संकेत दियो । अनि मुसाहरूलाई कार चढ्दा आनन्द आउने पनि टोलीले पायो ।

एजेन्सी