काठमाडौं, २५ चैत – नेपाली शरणार्थीको जीवन बिताउँदै आएका भुटानी नागरिकमाथि बनेको चलचित्र ‘देश खोज्दै जाँदा’ को टेलर सार्वजनिक भएको छ । ट्रेलरसँगै चलचित्र रिलिज मिति समेत घोषणा भएको छ ।
प्रकाश आङदेम्बेले निर्देशन गरेको चलचित्र ‘देश खोज्दै जाँदा’ मा हेमन्त बुढाथोकी, बाबु बोगटी, मिना कोइराला लगायतका कलाकारको अभिनय रहेको छ । उपेन्द्र सुब्बाले यसको कथा लेखेका हुन् । चलचित्र भुटानी शरणार्थीको समस्या र घटनामा आधारित छ ।
चलचित्र आउँदो जेठ १२ गतेदेखि प्रदर्शनमा आउँदैछ ।
