विराटनगर, २९ चैत– ‘सेना परिचालन गरेर स्थानीय चुनाव गर्न लागिएको’ भनेर आलोचना भइरहँदा निर्वाचन आयोगका एक जना आयुक्तले स्थानीय चुनावमा सेनाको प्रयोग नहुने बताएका छन् ।
निर्वाचन आयुक्त नरेन्द्र दाहालले निर्वाचनमा सेनाको प्रयोग नहुने बताएका हुन् । सेनालाई ‘ब्याक फोर्स’का रुपमा मात्र रहने उनको भनाइ थियो ।
मंगलबार बिहान विराटनगरमा आयोजित पत्रकार सम्मेलनमा निर्वाचन आयुक्त दाहालले निर्वाचनसम्बन्धी व्यवस्थापकीय कार्य तीव्र गतिमा भइरहेको पनि जानकारी दिए ।
उनले मतदाता परिचयपत्र र मतपत्र छपाइलगायत कार्यका साथै निर्वाचन प्रशिक्षण अन्तिम चरणमा पुगेको जानकारी दिए । राजनीतिक रुपमा देखिएका केही समस्या समाधान हुने उनको विश्वास थियो ।
पूर्वी तराईका जिल्लामा पुगेका निर्वाचन आयुक्त दाहालले प्रदेश नं २ का जनता पनि निर्वाचनको पक्षमा उत्साहित देखिएको र केही दिनमै त्यहाँ मतदाता शिक्षालगायत कार्यक्रम सञ्चालन गरिने दिए ।
