अरनिको राजमार्गअन्तर्गत भक्तपुर नगरपालिका–१ सिर्जनानगरमा स्कुटरले ठक्कर दिँदा काठमाडौंबाट भक्तपुरतर्फ आउँदै गरेको एनएल ०१ एडी ५९१८ नम्बरको कन्टेनरका सहचालकको मृत्यु भएको छ । 

कन्टेनर गाडी पछाडि सार्ने क्रममा ठाउँ माग्दै गरेका सहचालक फरकुवावाद भारतका २५ वर्षीय नरेन्द्र पाललाई काठमाडौंबाट भक्तपुरतर्फ आउँदै गरेकोे बा९२प ३४०९ नम्बरको स्कुटरले ठक्कर दिएको थियो ।

गम्भीर घाइते पालको डा. इवामुरा मेमोरियल अस्पतालमा उपचार गर्दागर्दै मृत्यु भएको महानगरीय प्रहरी परिसर भक्तपुरका प्रहरी उपरीक्षक सविन प्रधानले जानकारी दिए ।

ठक्कर दिने स्कुटर चालक जिल्ला सूर्यविनायक नगरपालिका–९ नलिनचोक बस्ने ३८ वर्षीय वसन्त देउजालाई पक्राउ गरी अनुसन्धान शुरू गरेको प्रहरीले जनाएको छ ।