कठामाडौं, ३० चैत– साप्ताहिक कारोबारको चौथो दिन आज (बुधबार) सेयरबजारमा अनपेक्षित करेक्सन आएको छ । कारोबार सुरु भएदेखि निरन्तरजसो उकालो लागेको बजार अन्तिममा ६.७५ अंकले घटेर बन्द भयो ।

बजार बन्द हुनु अगाढि (साढे २ बजे)सम्म १७३७ को विन्दुमा पुगेको सेयर बजार त्यसपछि लगातार ओरालो लागेर १७०३.०७ विन्दुमा पुगेको हो ।

बुधबार बीमा समूहको उपसूचकमा १४०.८४ अंकको भारी गिरावट आयो । यस्तै बैंकिङ र जलविद्युत समूहको उपसूचक पनि ओरालो लाग्यो ।

बुधबारको बजारमा होटेल समूहको उपसूचक सबैभन्दा बढी २३.८६ अंकले बढ्यो । यस्तै उत्पादन तथा प्रशोधन समूहको उपसूचक पनि २३.६१ अंकले बढ्यो भने विकास बैंक १९.३६, अन्य ८.३९ र फाइनान्स समूहको उपसूचक ६.९३ अंकले बढ्यो ।

बुधबार समग्र सेयर बजारमा २ अर्ब ७ करोड रुपैयाँ बराबरको सेयर किनबेच भयो ।