२८ जेठ २०८३, बिहीबार
केन्याको मासई मारा राष्ट्रिय आरक्षमा एक चितुवाले मृगको शिकार गरेको अद्भुत तस्वीरहरू सार्वजनिक भएका छन् ।
खतरनाक चितुवाले टोपी भनिने तीव्र गतिको मृगको पछाडिपट्टि उफ्रेर नंग्रा गाडेर लडाएको थियो । त्यसपछि अन्य चितुवाहरू त्यसलाई खान आइपुगेका थिए ।
नेदरल्यान्ड्सका फोटोग्राफर डिक भ्यान दुइनले शिकारको तस्वीर खिचेका हुन् ।
‘हामीहरूले अग्ला घाँसमा चितुवाहरू हिँडिरहेको देख्यौं अनि अलि पर टोपी देख्यौं,’ ३४ वर्षीय फोटोग्राफरले भने ।
‘अग्लो घाँसका कारण टोपीले चितुवाहरूलाई देखेन । चितुवाहरूले टोपीलाई लखेटेको दृश्य निकै तनावपूर्ण थियो । चितुवाहरू कति छिटो कुद्छन् भन्ने देख्दा विश्वासै लागेन ।’
चितुवाहरू सबभन्दा तीव्र गतिमा दौडिनसक्ने जनावर हुन् र उनीहरूको दृष्टि पनि निकै मजबूत हुन्छ । उनीहरू जम्मा तीन सेकेन्डमा ६० माइल प्रतिघन्टाको गतिमा दौडिन थाल्छन् । त्यसो त टोपीहरू पनि ५० माइल प्रतिघन्टाको गतिमा दौडिन्छन् तर चितुवाबाट भाग्न उनीहरूलाई मुश्किलै पर्छ ।
