०२ साउन २०८३, शनिबार
नेपालका लागि कतारका राजदूत युसुफ बिन मोहम्मद अहमद अल हेलले सभामुख अग्नि सापकोटासँग भेटवार्ता गरेका छन् ।
सिंहदरबारस्थित सभामुखको कार्यकक्षमा सोमवार भएको भेटमा २ देशबीचको सम्बन्ध र आपसी हितको विषयमा छलफल भएको थियो ।
राजदूत युसुफले नेपाल भ्रमण वर्षलाई सफल बनाउन सक्दो सहयोग गर्ने बताए । सन् २०२२ मा कतारमा हुन गइरहेको विश्वकप फूटबल प्रतियोगिताका लागि रंगशाला निर्माणमा नेपालका कामदारले गरेको योगदानको उनले खुलेर प्रशंसा गरेको सभामुख सापकोटाका सञ्चार विज्ञ श्रीधर न्यौपानेले लोकान्तरलाई जानकारी दिए ।
भेटमा सभामुख सापकोटाले २ देशबीचको सम्बन्ध विस्तारका साथै कतारमा रहेका नेपाली कामदारको बारेमा चासो राखेका थिए ।
