१९ असार २०८३, शुक्रबार
पाकिस्तानको खैबर पख्तुनख्वामा रहेको बालाकोट क्याम्पमा सन् २०१९ को फेब्रुअरी २६ मा भारतीय वायुसेनाले हवाई आक्रमण गरेको एक वर्ष पुगेको छ ।
घटनामा अनेकौं आतंकवादीहरू मारिएको भारतको दाबी छ । तर पाकिस्तानले यसलाई अर्कै तरिकाले प्रस्तुत गरिरहेको छ ।
पाकिस्तानी मिडियाको एक समाचारमा उल्लेख भएअनुसार, पोहोर साल पाकिस्तानी वायुसेनाले भारतको मिग–२१ विमानलाई खसाएको घटनालाई पाकिस्तानी वायुसेनाले याद गरिरहेको छ ।
रिपोर्टमा उल्लेख गरिएको छ, ‘पाकिस्तानी वायुसेनाको मुख्यालयमा भारतीय विमानका टुक्रा र विमानबाट प्रहार गर्न नसकिएका चार क्षेप्यास्त्रका टुक्राको प्रदर्शनी राखिएको छ ।’
भारतको लडाकू विमानले पाकिस्तानी विमानलाई खसाएको दाबी गलत भएको प्रमाण नै मिसाइलका टुक्रा हुन् भनी रिपोर्टमा दाबी गरिएको छ ।
यस घटनाको एक गीत पनि पाकिस्तानी वायुसेनाले सार्वजनिक गरेको छ ।
भारत चाहिँ पाकिस्तान समर्थित आतंकवादीहरूले पुलवामामा भारतीय जवानहरूमाथि भएको आक्रमणपछि भारतीय वायुसेनाले पाकिस्तानको बालाकोटमा आक्रमण गरेर अनेकौं आतंकवादीहरूलाई मारेको दाबी गर्छ ।
