१३ असार २०८३, शनिबार
जनावरहरूलाई छालाका लागि मानिसले निर्ममतापूर्वक हत्या गर्ने गरेका छन् । जनावरको छालाबाट सामानहरू बनाउन धेरैथरी ऊर्जा र रसायनहरू पनि उपयोग गरिने गरेका छन् ।
मेक्सिकोका दुई उद्यमीहरूले जनावरहरूमाथिको क्रूरता कम गर्नका लागि नयाँ तरिका अघि सारेका छन् ।
मेक्सिकोको कम्पनी एड्रियानो डी मार्टीका मालिक एड्रियन लोपेज भेलार्दे र मार्ते काजारेजले क्याक्टस अर्थात् सिउँडीको पातबाट छाला बनाएका छन् । यसलाई डिजर्टो नाम दिइएको छ ।
छालाजन्य वस्तु बनाउँदा पानी, माटो र हावा दूषित हुन्छ र रोगहरू जन्माउँछ । अनि जनावरको छालाबाट बनेका पदार्थ नवीकरणीय पनि हुँदैनन् ।
पर्यावरणलाई पुग्ने हानिलाई मद्देनजर गर्दै अर्गानिक लेदर सिउँडीबाट बनाइएको हो । यो बनाउँदा विषालु रसायनको उपयाृग गरिँदैन ।
यो छाला पशुको छाला जस्तै देखिन्छ र यो कम्तीमा १० वर्षसम्म चल्छ ।
सिउँडीबाट बनेको छाला फर्निचर, अटोमोबाइल र घर जिाउन उपयोग गरिन्छ । यसले स्टाइलका साथै स्वास्थ्यलाई पनि राम्रो बनाउँछ ।
