१४ असार २०८३, आइतबार
सिन्धुपाल्चोकमा लागुऔषध सेवन गरी सार्वजनिक सवारीसाधन चलाएको आरोपमा दुई जना चालकलाई प्रहरीले नियन्त्रणमा लिएको छ।
जिल्ला ट्राफिक प्रहरी कार्यालय सिन्धुपाल्चोक र इलाका प्रहरी कार्यालय बाह्रबिसेबाट खटिएको संयुक्त टोलीले बाह्रबिसे नगरपालिका– ३ खुर्सानबारीस्थित अरनिको राजमार्गबाट उनीहरूलाई नियन्त्रणमा लिएको हो ।
बाह्रबिसे गाउँपालिका– ६ निवासी २४ वर्षीय युवराज सेवा र भोटेकोशी गाउँपालिका–१ निवासी ३४ वर्षीय भगवान कार्कीले लागुऔषध सेवन गरी सवारी चलाएको पुष्टि भएपछि उनीहरूलाई नियन्त्रणमा लिइएको प्रहरीले जनाएको छ।
पक्राउ परेका दुवै जनाविरुद्ध लागुऔषध सेवनसम्बन्धी कसूरमा अनुसन्धान भइरहेको छ।
