२२ जेठ २०८३, शुक्रबार
भारतको मध्य प्रदेशस्थित खरगोनमा इन्जिनीयरिङ पढिरहेका एक विद्यार्थीको मुखबाट चिकित्सकले ३९ मिलिमिटर लामो दाँत निकालेका छन् । दाँत निकाल्ने चिकित्सकले यो संसारको सबभन्दा लामो मानव दाँत भएको बताएका छन् ।
खरगोनका दन्तचिकित्सक डा सौरभ श्रीवास्तवले दाँतको लम्बाइलाई गिनि बूक अफ वर्ल्ड रेकर्ड्समा दर्ता गराउने बताए ।
गिनिजमा अहिलेसम्म दर्ता भएको सबभन्दा लामो दाँत ३७.३ मिलिमिटर हो । जर्मनीका डेन्टिस्ट म्याक्स लुक्सले उक्त दाँत निकालेका थिए ।
शनिवार डा सौरभ श्रीवास्तवलाई २० वर्षीय विद्यार्थी पवन भावसारले दाँत देखाउन आए । ठूलो दाँतका कारण उनको अनुहार भद्दा देखिएको थियो ।
डा श्रीवास्तवले त्यो दाँत निकाले र अब गिनिज बूकमा लैजाने भएका छन् ।
उनका अनुसार, सामान्य दाँतको लम्बाइ २८ मिलिमिटर हुन्छ ।
