०२ असार २०८३, मंगलबार
भारतको आन्ध्र प्रदेशमा भोकाएका दुई बाँदरले कारको ड्याशबोर्डमा रहेको बिस्कुटका प्याकेटहरू लिनका लागि संघर्ष गरेको दृश्य भिडियोमा कैद भएको छ ।
भोकाएका बाँदरलाई खानेकुरा देखेपछि खान मन लागेको थियो तर शीशाले गर्दा अप्ठ्यारो परेको थियो ।
उनीहरूले प्याकेट लिनका लागि हरदम कोशिश गरिरहेका थिए अनि एकजनाले आफ्नो मुख विन्डस्क्रीनमा टाँसेको थियो ।
त्यसपछि बाँदरहरूको जोडीले एकअर्कालाई पिट्ने र धक्का दिने काम गर्छन् अनि बिस्कुट समात्न फेरि कोशिश गर्छन् ।
घटनाको भिडियो खिचिरहेका व्यक्तितिर एक बाँदरले आक्रामक तरिकाले घुरेर हेरेको अनि फेरि मारी गोल्ड बिस्कुटतिर ध्यान दिएको देखिन्छ ।
पछि कार चालकले बाँदरहरूलाई बिस्कुट दिएका थिए । उनीहरूले विन्डस्क्रीन नै उखेल्न खोजेपछि बिस्कुट दिइएको थियो ।
