२९ जेठ २०८३, शुक्रबार
इजरायलमा विगत एक वर्षमा तेस्रोपटक भएको आमनिर्वाचनमा प्रधानमन्त्री बेन्जामिन नेतान्याहुको दलले बहुमत ल्याउन सकेन ।
बिहीवार घोषणा गरिएका परिणाममा नेतान्याहुको पार्टी सहितको गठबन्धन बहुमतबाट तीन सीट परै रह्यो ।
अघिल्ला दुई चुनावमा पनि नेतान्याहुले बहुमत ल्याउन सकेका थिएनन् । इजरायलको इतिहासमा यो सबभन्दा लामो समय चलेको डेडलक हो ।
इजरायलमा कुनै पनि दलले सरकार बनाउन ६० सीट जित्नुपर्ने हुन्छ । तर नेतान्याहुको लिकुड पार्टी र गठबन्धनका अन्य सदस्य दलले आवश्यक सीट जित्न सकेनन् ।
मतपरिणाम आएपछि नेतान्याहुले आफ्नो जीत ऐतिहासिक भएको बताए र विपक्षीहरूले राष्ट्रवादी सरकारलाई सत्तामा आउन रोकिरहेको भने ।
विपक्षीहरूको कुरा गर्दा ब्ल्याक यान्ड ह्वाइट पार्टीले ३३ सीट ल्याएको छ र उसबाहेक अन्यसँग १५ सीट छ तर उनीहरू अत्यधिक विभाजित हुनाले उनीहरू गठबन्धनमा आउने सम्भावना न्यून छ ।
