१० साउन २०८३, आइतबार
दशमध्ये नौ मानिस महिलाविरुद्ध पूर्वाग्रही भएको संयुक्त राष्ट्रसंघले बिहीवार जानकारी दिएको छ । ती मानिसहरू विश्वविद्यालयीय शिक्षा पुरुषहरूलाई बढी महत्त्वपूर्ण हुने र कामको अभाव भएमा पुरुषहरूले जागिरमा प्राथमिकता पाउनुपर्ने धारणा राख्छन् ।
एक चौथाइभन्दा बढी पुरुष र महिलाले पत्नीलाई पतिले पिट्नु जायज हुने सोच राख्छन्, यूएनडीपीको जेन्डर सोसियल नर्म्स इन्डेक्सले पत्ता लगाएको छ । उक्त इन्डेक्स सामाजिक विश्वासले कसरी लैंगिक समानतालाई अवरोध गर्छन् भनी पत्ता लगाउन निर्माण गरिएको हो ।
‘लैंगिक समानताविरुद्धको लडाइँ पूर्वाग्रहको कथा हो,’ यूएनडीपीको मानव विकास प्रतिवेदन कार्यालयका प्रमुख पेद्रो कोनसीचाओले एक बयान जारी गरेर बताए ।
वैश्विक जनसंख्याको ८० प्रतिशतभन्दा बढीबाट आँकडा लिएर तयार पारिएको प्रतिवेदनमा महिलाको विकासमा केही प्रगति भएको देखायो । जस्तो, प्राथमिक विद्यालयमा बालिकाहरू भर्ना हुने क्रम बढेको र मातृमृत्युदरमा कमी आएको देखिन्छ तर गहिरो गरी जमेका पूर्वाग्रहहरू कायमै छन् ।
