आफ्नो डेढ दशक लामो दाम्पत्य सम्बन्ध केही वर्ष अघि मात्र तोडेकी बलिउड अभिनेत्री मलाइका आरोराले विवाहपछि महिलाहरु झन बढी पीडित हुने गरेको बताएकी छिन् । अन्तराष्ट्रिय नारी दिवसको अबसरमा उनले यस्तो विचार आईतबार व्यक्त गरेकी हुन् । उनले भनेकी छिन्,‘विवाह भएका महिलाहरुको मुस्कान देखेर उनीहरु खुसी छन भन्ने नठान्नु होला । हुन त विवाह नभएका महिलाहरु पनि खुसी छैनन् ।’ नारीहरु विभिन्न पक्षबाट पीडित रहने गरेको यी अभिनेत्रीले बताएकी छन् ।

तथापि दमित रहेर विवाहिब जीवन बिताउनु भन्दा एकल बस्नु उचित भएको उनले बताएकी छिन् । आफुले दाम्पत्य सम्बन्ध विच्छेद गर्नुको कारण पनि यही नै भएको उनको जिकिर छ । नारीहरुको बास्तविक खुसीबारे मलाइकाले भनेकी छिन्,‘ती महिला मात्र सबैभन्दा बढी खुसी हुन्, जसले आफु र आफ्नो अधिकारलाई बुझेका छन् । जसले आफ्नो पीडादायी बिगतबाट बाहिर निक्लेर स्वन्त्रतापूर्वक काम र प्रगति गर्न सकेका छन् ।’ उनीहरु बढी खुसी रहेको पनि यी अभिनेत्रले बताएकी छिन् ।

नारीहरु कुनै पनि प्रकारको शिकार हुनु नहुने यी अभिनेत्रीको कथन छ । यस्ता शिकार बिरुद्ध महिला आफैं । रक्षक भएर उत्रनु पर्ने र लाचार भएर हिँसा सहनु नहुने अभिनेत्री मलाइकाको कथन छ । नारीहरु अघि बढ्न आफ्नो आँशु पुछेर आफुलाई निडर रुपमा प्रस्तुत गर्न सक्नु पर्छ र आफुले त्यसै गरेको पनि यी अभिनेत्रीले बताएकी छिन् । नारीहरु कसरी खुसी रहने भन्ने कुरा आफ्नै हातमा रहेको पनि मलाइकाको कथन छ ।

पछिल्लो समय अभिनेता अर्जुन कपुरसँग प्रेम सम्बन्धमा रहेकी यी अभिनेत्रीले नारीले आफुले चाहेको पुरुषसँग प्रेम गर्न पाउनु पर्छ । तर प्रेममा पुरुषले पनि त्यत्तिकै सम्मान गर्नु पर्छ । दुबैले एक अर्कालाई सम्मान गरेको खन्डमा मात्र त्यो प्रेम सार्थक हुन्छ भनेकी छिन् ।

नारी ससक्तिकरणबारे उनले भनेकी छिन्,‘ससक्त नारी त्यो हो, जसले हिजोलाई बिर्सेर आजलाई चिनेको छ र आज सोही अनुसार अघि बढ्न सकेको छ । अरुसँग निभर्र नभएर आफैं अघि बढ्ने महिला नै खुसी रहने गरेको छन् । म ती नरीहरुलाई अन्तराष्ट्रिय नारी दिवसको शुभकामना दिन्छु जो आफनो जिन्दगीको मालिक आफैं हुन र आफैंले अघि बढेर प्रगति गर्न सकेका छन् ।’ यी अभिनेत्रीले आफु पनि यही मार्गमा रहेकाले आफैंलाई पनि नारी दिवसको शुभकामना दिएकी छिन् ।

अभिनेत्री मलाइकाले सम्बन्ध बिच्छेद गर्दा कुनै पनि नारी खुसी नहुने बताएकी छिन् । नारीले आफ्नो स्वतन्त्रता, प्रतिष्ठाको लागि सम्बन्ध बिच्छेद गर्न बाध्य हुनु परेको प्रतिक्रिया दिएकी छिन् । सम्बन्ध बिच्छेद गरेका नारीलाई जहिले पनि समाजलाई नकरात्मक दृष्टिकोणले हेर्ने गरेको यी अभिनेत्रीको गुनासो छ,‘के नारीले आफ्नो स्वतन्त्रता खोज्नु गलत हो । सँधै दमित भएर जीवन बिताउन नसकेपछि स्वतन्त्रता खोज्ने क्रममा बाँच्नका लागि सम्बन्ध बिच्छेद गर्छन भने त्यसलाई नकरात्मक रुपमा हेरिनु हुँदैन ।’ यी अभिनेत्रीले भनेकी छिन् । राजधानी दैनिकमा खबर छ ।