०४ असार २०८३, बिहीबार
कोरोनाभाइरसले चीनका धेरै कम्पनीहरूलाई गाह्रो पारेको भए पनि एउटा कुरा चाहिँ खुबै बिकिरहेको छ ।
चालकविहीन डेलिभरी सर्भिस नियोलिक्सको माग ह्वात्तै बढेको छ किनकि यसले शरीरको सम्पर्कलाई घटाउँछ र क्वारेन्टाइनका कारण मजदूरको कमीलाई पनि पूरा गर्छ ।
स्वचालित भ्यानहरूले औषधि पुर्याउने, सडकमा संक्रामक नाशक रसायन छर्ने र मानिसहरूलाई खाना पुर्याउने काम गर्छन् ।
नियोलिक्सले विगत दुई महिनामा २०० भन्दा बढी गाडीको माग आएको जनाएको छ ।
साना भ्यानहरू खासमा चारपांग्रे रोबोट हुन् र भण्डारणका लागि तिनमा ट्रंक राखिएका छन् । कुनै पनि मानवीय चालक विना नै उनीहरू आफ्नो वरिपरिको सडक पार गर्छन् ।
चीनले कोरोनाभाइरस फैलनुअघि यस्ता वाहनमा कडीकडाउ गरेको थियो तर अहिले सडकहरू खाली रहेकाले अनि सडक सुरक्षाको जोखिम कम भएकाले त्यसलाई खुकुलो बनाएको छ ।
