×

NMB BANK
NIC ASIA

बीबीएस पढेपछि २७ वर्षीया लजिना बनिन् सरकारी ‘महिला चालक’

चैत १, २०७६

NTC
Sarbottam
Premier Steels
Marvel

सामान्यतया कार्यालयमा गाडी चलाउने महिला चालक कमै हुन्छन् । त्यसमा पनि सरकारी र संस्थानका गाडी चलाउने महिला प्रायः भेटिँदैनन् तर पश्चिम नवलपरासीको नेपाल विद्युत् प्राधिकरण परासी वितरण केन्द्रमा महिला चालक छिन् लजिना श्रेष्ठले ।

Sagarmatha Cement
Muktinath Bank

श्रेष्ठ जिल्लाकै कार्यालयमा पूर्णकालीन एक्ली महिला चालक हुन् । लजिनाको दाबी अनुसार जिल्लामा मात्र होइन, ५ नम्बर प्रदेशमा रहेका विद्युत् कार्यालयमा उनीबाहेक कुनै महिला चालक छैनन् ।


Advertisment
RMC TANSEN
IME BANK INNEWS
shivam ISLAND

‘अरु कार्यालयमा छन् कि छैनन् थाहा भएन तर प्रदेशका विद्युत् कार्यालयमध्येमा म एक्ली महिला चालक हुँ,’ उनले भनिन् ।


Advertisment
Nabil box
Kumari

लजिनालाई आफू चालक नै बन्छु भन्ने लागेको थिएन । चालकबाहेक अन्य तहका कर्मचारी हुनेमा भने उनी विश्वस्त थिइन् । ‘चालक नै बन्छु भन्ने लागेको थिएन,’ उनले भनिन् । लोकसेवा आयोगले विद्युत् प्राधिकरणमा महिला चालक आह्वान गरेपछि उनले दरखास्त दिएकी थिइन् । ‘नाम निकाल्न सक्छु सक्दिनँ भनेर फारम भरे । नाम निस्क्यो, त्यसपछि जागिर खान मन लाग्यो,’ उनले भनिन् । १ सिटका लागि १४ जनाले लोक सेवामा प्रतिस्पर्धा गरेका थिए । १ नम्बरमा नाम निस्केपछि उनले २०७५ सालदेखि परासी वितरण केन्द्रमा हाजिर भएर चालकको जिम्मेवारी सम्हालेकी हुन् ।

Vianet communication
Laxmi Bank

लजिनाको घर काठमाडौं जिल्लाको चन्द्रागिरी नगरपालिका–४ थानकोट हो । २७ वर्षीया लजिनाले बीबीएस उत्तीर्ण गरेकी छन् । चालक नै बन्छु भनेर उनले सवारीसाधन सिकेकी भने होइनन् । लजिनाका बुवा डिल्लीबजार कृषि विकास बैंकका चालक छन् ।

उनको घरमा भाडामा सञ्चालन गर्ने ४ वटा ट्याक्सी थिए । ‘अहिले भाडामा चलाउन दिने एउटा ट्याक्सी छ,’ उनले भनिन्, ‘भाडामा नचलेका बखत घरमा रहने ट्याक्सी चलाएर गाडी चलाउन सिकेकी हुँ । गाडी सिकाउन बुबाले सहयोग गर्नुहुन्थ्यो ।’

घरमा बुवासँगै आमा, २ बहिनी र २ भाइ छन् । २ बहिनी बीबीएस पढ्दैछिन् । १ जना भाइ एसईई दिने तयारीमा छन् । घर छाडेर जागिर खान आएकी लजिनाले आफू एक्लै भएपछि १ भाइलाई आफूसँगै परासीमा राखेर पढाइरहेकी छन् । उनका भाइ १२ कक्षामा पढ्छन् ।

लजिना महिला चालक भएपनि कार्यालयमा काम पर्ने कुनै पनि बेला राति र बिहानै भन्दिनन् । जुनसुकै समयमा पनि गाडी लिएर प्राविधिक कर्मचारीसँग फिल्डमा निस्किन्छिन् । ‘चालक भएपछि समय तोकिँदैन, जुनसुकै समयमा पनि कार्यालयले बोलाएपछि पुग्ने गरेकी छु । विद्युत् बिग्रिएर बनाउने क्रममा राति १२ बजेसम्म फिल्डमै बस्नु पनि परेको छ,’ उनले भनिन्, ‘चालक भएपछि खानाको कुनै ठेगान हुँदैन, अबेर भएर कति दिन भोकै सुतेकी छु ।’

परासी क्षेत्रमा गाउँ बढी भएकाले सबैभन्दा बढी काममा गाउँमै जानुपर्छ । ‘गाउँमा जाँदा केटीले गाडी चलाएको भन्दै हेर्न आउँछन् । धेरैले अनौठो मानेर हेर्छन् । केहीले त केटीले गाडी चलाएको भन्दै कराउँदै गाडीको पछिपछि लाग्छन्,’ लजिनाले सुनाइन्, ‘गाउँमा महिलाले गाडी चलाएको नदेखेर होला धेरैले अचम्म मानेर हेर्छन् ।’

गाउँमा सबैभन्दा बढी विद्युत् चोरी र लाइन सट हुने समस्या बढी रहेको उनले बताइन् । फिल्डमा प्राविधिक कामका लागि मात्र होइन, अरु समयमा पनि हाकिमदेखि अन्य कर्मचारीलाई कार्यक्रममा पुर्‍याउन गाडी लिएर जाने गरेको उनले बताइन् ।

चालक बन्नका लागि घरबाट कसैको रोकावट नआएको उनले बताइन् । ‘रोकावट आएन तर कहिलेकाहीँ बुवा र मम्मीले चालक छाडेर अरु काम गरे हुन्थ्यो भन्नुहुन्छ । मैले पनि त्यस्तै सोच बनाएकी छु,’ उनले भनिन् ।

चालक पेशा राम्रो लागेन ? उनले भनिन्, ‘त्यसो होइन, । यो पदमा बढुवा हुँदैन । अरु पदमा बढुवा हुने भएकाले अर्कै पदमा लोक सेवा दिउँ कि भन्ने लागेको छ ।’

चालक भएपछि बिदा पनि कम हुने, रातदिन केही भन्न नपाइने र घरमा पनि समय दिन नसक्नुले अर्कै पदमा जाने विचार गरेको उनले सुनाइन् । ‘चाडपर्वमा पनि घर जान नपाउँदा यो पेशा परिवर्तन गरौं कि भन्ने लागेको छ,’ उनले भनिन्, ‘गएको दशैंमा घर जान नपाउँदा नरमाइलो लागेको थियो ।’ 

अविवाहित लजिनाले २–३ वर्ष अझै बिहे नगर्ने सोच बनाएको बताइन् । ‘अहिले त ठीकै छ, बिहे गरेर अर्कोको घरमा गएपछि सबै समय कार्यालयमा दिन नसक्ने भएकाले पनि समस्या हुन्छ कि भनेर अर्को पदमा जाने विचार गरेकी ,’ उनले खुलेर भनिन् ।

कार्यालयमा ४ वटा गाडी छन् । हलुका सवारीसाधन मात्र चलाउने लजिनाले बोलेरो गाडी चलाउँछिन् । फिल्डमा जाँदा टायर फेर्ने र अन्य सामान्य काम आफैं गर्ने भएपनि अरु कामका लागि भने मिस्त्री बोलाएर मर्मत गर्ने गरेको उनले सुनाइन् ।

लजिनासँगै कार्यालयमा अन्य पदका ८ जना महिला कर्मचारी छन् । महिला चालक भएकै कारण आफू हेपिनु नपरेको उनले बताइन् । ‘अहिलेसम्म कसैबाट नराम्रो शब्द सुन्नु परेको छैन । काम जस्तोसुकै भएपनि आफूले पाएको जिम्मेवारी पूरा गरेपछि कसैले हेप्न सक्दैनन्,’ उनले भनिन् । पुरुष चालकलाई ‘गुरुजी’ भनेर बोलाउने गरिएकोमा उनलाई बोलाउँदा के भन्छन् ? उनले लजाउँदै भनिन्, ‘गुरुजी भन्दैनन्, लजिना भनेर बोलाउँछन् ।’

hAMROPATRO BELOW NEWS
TATA Below
माघ २७, २०८०

भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...

मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

कात्तिक १९, २०८०

समय : आइतवार बिहान ७ बजे  स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्‍याएको ठाउँ)  ‘मेरी आमालाई किन यस्तो भयो ? मलाई पनि बाँच्न मन छैन,...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x