काठमाडौं, ६ पुस – नयाँ शक्ति नेपालका संयोजक बाबुराम भट्टराईले बाह्य शक्तिकेन्द्र धाउँदै हिँड्ने पूर्वराजा ज्ञानेन्द्र शाहले राष्ट्रियताको दुहार्इ दिनु पाखण्डपूर्ण भएको टिप्पणी गरेका छन् ।
दलहरुको आलोचना गर्दै शाहले आज एक विज्ञप्ति जारी गरेपछि त्यसको जवाफमा भट्टराईले यस्तो प्रतिक्रिया दिएका हुन् । उनले सामाजिक सञ्जालमा भनेका छन्, ‘शाहवंशले मात्र नेपाल आर्जेको,अरू गोरखाली सुतेको हो त ?
उनले पश्चगामी ध्येयकासाथ पूर्वराजाले विज्ञप्ति जारी गरेको भन्दै सो विज्ञप्ति पहिलेभन्दा गम्भीर रहेकाले अग्रगामी शक्तिहरूले प्रतिवाद गर्नैपर्नेमा जोड दिएका छन् ।
भट्टराईले ‘इतिहासमा क्रान्तिपछि राजालाई चैनसाथ बस्ने र हाकाहाकी प्रतिक्रान्तिको धम्की दिने छुट कतै दिएको नदेखिएको भन्दै ज्ञानेन्द्रलाई भने त्यो छुट कहिलेसम्म दिने भन्दै प्रश्न समेत गरेका छन् ।