१० असार २०८३, बुधबार
दक्षिण अमेरिकी मुलुक इक्वेडरको विमानस्थलमा स्पेनबाट आएको एक विमानलाई अवतरण गर्न दिइएको छैन ।
बुधवार जोसे योआक्विन दे ओल्मेदो अन्तर्राष्ट्रिय विमानस्थलको धावनमार्गमा उक्त विमानलाई अवतरण गर्न दिइएको थिएन । उनीहरूले धावनमार्गमा ट्रक तेर्स्याएर अवरोध गरेका हुन् ।
आइबेरिया एयरलाइन्सको उक्त विमानलाई युरोपेली नागरिकलाई लिनका लागि इक्वेडर लगिएको रोयटर्सले लेख्यो । एक हेलिकप्टरबाट लिइएको फूटेजमा एक दर्जन ट्रक धावनमार्गमा तेर्स्याइएको देखिन्छ ।
गुआयाकिल शहरकी मेयर सिन्थिया भितेरीले यसरी विमान अवतरण रोक्ने निर्णयको बचाउ गरिन् । तर इक्वेडरको यातायात तथा सार्वजनिक कार्य मन्त्रालयले एक बयान जारी गरेर मेयरको कामको निन्दा गरेको छ ,।
उक्त विमानमा कर्मचारीहरू मात्र रहेको र उसले स्पेनी मानिसहरूलाई लिन नपाएको उसले लेख्यो ।
पछि उक्त विमान इक्वेडरको राजधानी क्विटोमा रहेको विमानस्थलमा ओर्लिएर १७० यात्रुलाई लिएर फर्किएको थियो ।
En #Ecuador, Autoridades del Municipio de #Guayaquil disponen que unidades invadan la pista del aeropuerto para evitar el aterrizaje de un avión de #Iberia. La sospecha es que venía con pasajeros, cuando el Gobierno ha dicho que los vuelos venían vacíos. pic.twitter.com/D1IMZ9PnZX
— CrudaRealidad (@CrudaRealidadEc) March 18, 2020
