०१ असार २०८३, सोमबार
विश्वव्यापी महामारीको स्वरूप ग्रहण गरेको कोरोना भाइरस (कोभिड १९)को त्रासका बीच घरमै सेल्फ क्वारेन्टाइनमा बसेका नेकपा अध्यक्ष पुष्पकमल दाहल प्रचण्डले साइकिलिङ गरेर समय व्यतित गरेका छन् ।
प्रचण्डका ज्वाइँ जीवन आचार्यले आइतवार दिउँसो प्रचण्डले साइकिलिङ गर्दै गरेको फोटो र भिडियो समाजिक सञ्जालमा पोस्ट गरेका छन् ।
‘सेल्फ क्वारेन्टाइनका बेला पनि शरीर चुस्त राख्न जरुरी छ । शारीरिक व्यायामले इम्युनिटी पावर बढाई कोरोनाविरुद्ध लड्न मद्दत पुर्याउँदछ,’ उनले लेखेका छन् ।
कालो भादगाउँले टोपी, एडिडासको ट्र्याकसुट र स्पोर्टर्स सुजमा प्रचण्डले घरको कम्पाउन्डमै फन्को मारेका छन् ।
कोरोनाका कारण प्रचण्डले बिहीवारदेखि नियमित भेटघाट र औपचारिक कार्यक्रम रद्द गरेका थिए ।
अन्य समयमा पनि प्रचण्डले बिहानको समयमा शारीरिक व्यायाम गर्ने गरेका छन् ।
कोरोनाका कारण राजनीतिक गतिविधि शून्य हुँदा नेताहरू घरमै बसेका छन् ।
