०१ असार २०८३, सोमबार
कोरोनाभाइरसले आक्रान्त अमेरिकामा भाइरसको सामना गर्नका लागि स्वास्थ्य सेवाका अधिकारीहरू दिनरात मेहनत गरिरहेका छन् ।
यसैक्रममा एक वैज्ञानिकले सफ्टवेयर कोड आविष्कार गरेको र त्यसले केही सेकेन्डभित्रै शरीरमा रहेको भाइरस पत्ता लगाउने दाबी गरेका छन् ।
युनिभर्सिटी अफ डेटन रिसर्च इन्स्टिच्युटका वैज्ञानिक बरात नारायणनले सफ्टवेयर कोडबाट मानिसको छाती स्क्यान गरेर शरीरमा लुकेको भाइरस पत्ता लगाउन सकिने बताएका छन् ।
सफ्टवेयरले ९८ प्रतिशतसम्म सही जानकारी दिने उनको दाबी छ ।
नारायणनका अनुसार, यो विशेष सफ्टवेयर सामान्य एक्सरे मशिनभन्दा फरक छ । यसलाई कृत्रिम बौद्धिकता प्रविधिसँग जोडिएको छ र त्यसको परिणाम ९८ प्रतिशतसम्म सही हुन्छ ।
नारायणन लामो समयदेखि कृत्रिम बौद्धिकता प्रविधिमा काम गरिरहेका छन् जसको उपयोगबाट चिकित्सकहरूलाई रोगीको रोग चिनेर उपचार गर्न सहज भएको छ ।
उनले स्तन क्यान्सर, औलो, ब्रेन ट्युमर, क्षयरोग, मधुमेह र निमोनिया जस्ता रोग छिट्टो पत्ता लगाउनका लागि सफ्टवेयर कोडहरू बनाएका छन् ।
कोरोनाभाइरसका कारण संसारभरि एक लाख १४ हजारभन्दा बढीको मृत्यु भइसकेको छ ।
