गाउँमा भोकमरी चलोस् वा आगलागी, बाढीपहिरो होस् वा कोरोना संकट, आपत–विपतमा सबै गाउँवासीले सम्झिने नाम हो- दिवस खत्री ।

बाग्लुङ जिल्लाबाट पश्चिम तारा गाउँपालिका जहाँ अधिकांश युवाहरू विदेशमा छन् । विदेशमा नभएपनि शहरमा बसाइँसरेका छन् ।

छन्, एक्लो युवा छन्, जो गाँउवासीको सेवामा निरन्तर छन् । अप्ठ्यारो उकालोमा बाटो बन्दा विदेशबाट धेरैले सम्झिने नाम हो- दिवस खत्री । 

नेकपाका स्थानीय युवा नेता भएका कारण बजेट पार्न किहलेकाहीँ काठमाडौं आउँछन्, अन्यथा यिनलाई शहरसँग कुनै लोभ छैन ।

एक घण्टा नै किन नहोस् जनताको बीचमा रमाउँदा खुशी लाग्ने बताउँछन् ।

यसपालि पनि कोराना भाइरस संक्रमण त्रासका कारण बिहान–बेलुकी छाक टार्न गाह्रो परेका गाउँका दर्जनौं परिवारलाई यिनले राहत बाँडे । 

राहात बाँड्न आफैं खटिए । काँधमा चामल बोकेर घरघरमा गए ।

तारा खोला गाउँमा समस्यामा परेका अति विपन्न, गरीब, एकल महिला अपांग व्यक्तिलाई लक्षित परिवारलाई चामल, चिनी, लुगा धुने, नुहाउने साबुन, खाने तेल, नुन वितरण गरे ।

उनले यो राहत वितरणलाई गाउँभरि फैलाउने बताएका छन् ।