नेपालमा कोरोना संक्रमितको संख्या ५४ पुगेको छ ।

पछिल्लोपटक रौतहटमा २ जनामा कोरोना संक्रमण पुष्टि भएको जानकारी स्वास्थ्य तथा जनसंख्या मन्त्रालयले मंगलवार पत्रकार सम्मेलन गरी दिएको छ ।

संक्रमित दुवै पुरुष रहेको र भारतबाट नेपाल आएको स्वास्थ्य मन्त्रालयका प्रवक्ता डा. विकास देवकोटाले जानकारी दिए ।

देवकोटाका अनुसार पीसीआर प्रविधिबाट कुल १० हजार ८ सय ७ वटा स्वाब नमूना परीक्षण गर्दा ५४ जनामा कोभिड– १९ पुष्टि भएको छ । अन्य १० हजार ७ सय ५३ नमूनामा भने कोभिड– १९ भेटिएन ।

यसैगरी ४४ हजार १९ जनाको आरडीटी परीक्षण गरिएको छ ।

कोरोना पुष्टि भएर उपचार गरी १६ जना डिस्चार्ज भइसकेको मन्त्रालयले जनाएको छ ।

हेर्नुहोस्, विवरण :