१० साउन २०८३, आइतबार
चीन र भारतबीत सीमामा अझै पनि तनावको स्थिति छ । विवादित सीमामा दुवै पक्षका सैनिकहरू उच्च सतर्कताको स्थितिमा छन् ।
चीनको जनमुक्ति सेनाले सन् १९६२ को युद्धको महत्त्वपूर्ण स्थान गलवान नदी नजिक टेन्ट गाडेको खबर छ । अनि उसले देमचोक क्षेत्रमा निर्माण शुरू पनि गरेको छ ।
विगत तीन हप्तादेखि यो क्षेत्रमा तनाव रहेको भारतीय सेनाका सूत्रहरूले भारतीय सञ्चारमाध्यमलाई खबर दिएका छन् । तर अधिकारीहरूलेसंवाद सूत्रमार्फत स्थितिलाई बिस्तारै नियन्त्रणमा ल्याउन सकिने विश्वास गरेका छन् । अस्थायी र अल्प अवधिको फेस अफ भइरहने गरेको किनकि भारत र चीनबीच सीमा विवाद हल नभइसकेको भारतीय सेनाको कथन छ ।
अहिले पट्रोल पोइन्ट १४ मा भिडन्त भएको र उचित कदम उठाएर त्यसको समाधान गरिएको बताइएको छ । यो स्थान दौलत बेग ओल्डी हवाई क्षेत्र नजिक छ ।
अनि पांगोङ त्सो क्षेत्रमा पनि हलुका भिडन्त भएको खबर छ । जासूसी प्रतिवेदनअनुसार, चीनले निर्माण गतिविधिका लागि देमाचोकमा एक हजारभन्दा बढी भारी वाहन ल्याइएको छ ।
नेपाल सीमामा पनि भारतीय सुरक्षाकर्मीले कडा नजर राख्न थालेको छ । बोर्डर पोस्टलाई चुस्तदुरुस्त बनाइँदैछ । लिपुलेकमा सशस्त्र प्रहरीका हजारौं जवानलाई तैनाथ गरिएको छ ।
चीनले लद्दाख क्षेत्रमा वास्तविक नियन्त्रण रेखा नजिक भारी निर्माण गरिँदा दुवै पक्षबीचको सम्झौता उल्लंघन भएको मानिएको छ । दुवै पक्षले सीमालाई नचलाउने सहमति गरेका थिए ।
गलवान नदी क्षेत्रमा चीनसँग भारतको विवाद पुरानै हो । सन् १९६२ को जुलाई महिनामा भारतीय सेनाले बनाएको एक पोस्टलाई जनमुक्ति सेनाका सैनिकहरूले अहिले घेरेका हुन् ।
