०४ असार २०८३, बिहीबार
स्पेनकी सबभन्दा वृद्धा मानिएकी ११३ वर्षीया महिला कोरोनाभाइरसबाट निको भएको अधिकारीहरूले बताएका छन् ।
मारिया ब्रानयास नामक ती महिलालाई मार्च महिनामा लकडाउन लगाइएपछि कोभिड–१९ पुष्टि भएको थियो ।
तर हप्तौंसम्म आइसोलेसनमा बसेपछि ब्रानयास निको भएकी थिइन् । उनलाई हलुका लक्षण मात्र देखिएको थियो ।
सन् १९०७ मा मेक्सिकोमा जन्मेकी उनी दुई वर्षकी हुँदा अमेरिकाको सान फ्रान्सिस्को पुगेकी थिइन् र पहिलो विश्वयुद्धका बेलामा स्पेनको गिरोना पुगेकी थिइन् । उनका पिता पत्रकार थिए ।
उनका तीन सन्तान छन् र एउटाको उमेर ८६ पुगेको छ । उनका ११ नातिनातिना छन् ।
ओलोट शहरमा रहेको एक वृद्धाश्रममा उनी विगत दुई वर्षदेखि बसिरहेकी छन् ।
ला भानगार्डियासँग कुराकानी गर्दै उनले पोहोर साल भनेकी थिइन्, ‘मैले बाँच्नुबाहेक अरू कुनै पनि काम गरेको छैन ।’
बीबीसीबाट
