एकै दिन १० जनामा कोरोना भाइरसको संक्रमण देखिएपछि रुपन्देहीको गैडहवा गाउँपालिका सील गरिएको छ। 

गाउँ कार्यपालिकाको बिहीबार बसेको बैठकले शुक्रबार बिहान ६ बजेदेखि लागू हुने गरी स्वास्थ्य संस्था र औषधि पसल बाहेक सम्पूर्ण सेवा बन्द गर्ने निर्णय गरेको हो। यो निर्णय आगामी जेठ ५ गते राति १२ बजेसम्म लागू हुनेछ। यो गाउँपालिकामा बुधबार मात्र १० जनामा कोरोना संक्रमण पुष्टि भएको थियो।  

गाउँपालिकामा सवारी आवागमन, व्यवसाय सञ्चालन र आवतजावतमा पूर्णरुपमा रोक लगाइएको पालिकाका अध्यक्ष बच्छुलाल केवटले जानकारी दिए।