विश्वव्यापी महामारीको रूपमा फैलिएको कोरोना भाइरस (कोभिड १९)का कारण अमेरिकामा मृतकको संख्या ९० हजार नाघेको छ । संक्रमितको संख्या १५ लाख भन्दा बढी पुगेको छ । 

आइतवार बिहानसम्म अमेरिकामा संक्रमितको संख्या १५ लाख ७ हजार ७ सय ७३ पुगेको छ । अमेरिकामा मात्र मृतकको संख्या ९० हजार १ सय १३ पुगेको छ । ३ लाख ३९ हजार २ सय ३२ जना संक्रमित निको भएका छन् । 

शुरुवाती रुपमा कोरोनालाई ‘चाइना भाइरस’ भन्दै हल्ला टिप्पणी गरेका अमेरिकी राष्ट्रपति डोनाल्ड ट्रम्पले कोरोनाका कारण अमेरिकामा १ लाख जनाको मृत्यु हुने चेतावनी दिएका थिए ।

सन् २०१९ को डिसेम्वरमा चीनबाट शुरू भएको कारोनाका कारण विश्वमा ३ लाख १३ हजारकोमृत्यु भइसकेको छ । विश्वभरका वैज्ञानिकहरुले कोरोना भाइरसलाई परास्त गर्ने खोपाको अनुसन्धान गरिरहेका छन् ।