काठमाडौं १३ वैशाख–  राष्ट्रिय प्रजातन्त्र पार्टी (राप्रपा)ले स्थानीय निर्वाचनका लागि पार्टीको चुनावी घोषणा (संकल्प) पत्र सार्वजनिक गरेको छ ।

ललितपुरको हिमालय होटलमा पत्रकार सम्मेलनको आयोजना गरेर राप्रपाले स्थानीय तहको निर्वाचनमा पार्टीको संकल्पपत्र सार्वजनिक गरेको हो । राप्रपाले बैकल्पिक राजनीतिक शक्तिको रुपमा आफूलाई उभ्याउने दावी गरेको छ ।

पत्रकार सम्मेलनमा राप्रपा अध्यक्ष एवं उपप्रधानमन्त्री कमल थापाले राप्रपाले उठाएको स्थानीय स्वायत्त शासन प्रणाली स्थानीय तहको रुपमा देखा परेको दावी गरे । पत्रकार सम्मेलनमा राप्रपाका शीर्ष नेताहरु सहभागि छन् ।