राष्ट्रिय प्रजातन्त्र पार्टीको भातृ संगठन युवा संगठनले नेपालको अखण्डताविरुद्धको भारतीय मिडियाले गरेको दूष्प्रचारको भत्सर्ना गरेको जनाएकाे छ।

संगठनले प्रेस विज्ञप्ति जारी गर्दै नेपालको राष्ट्रिय सुरक्षाको लागि लड्न र प्रतिकार गर्न संगठन सधैँ तयार रहेको र सरकारलाई भारतीयको दबाबमा नझुक्न आग्रह गरेको छ। 

संगठनले भारतीय अतिक्रमणविरुद्ध राष्ट्रियताको पक्षमा लड्न सदा तत्पर रहेको समेत बताएको छ।

संगठनले संकटको बेला स्वास्थ्य सामग्री खरिदमा भएको ढिलासुस्ती, आर्थिक अनियमितता र चलखेलले जनताप्रति सरकार विश्वास गुमेको ठहर समेत गरेको विज्ञप्तिमा उल्लेख छ। राप्रपा युवा संगठनले भाइरसको संक्रमणबाट हुन सक्ने महामारीको क्षतिलाई रोक्न स्वास्थ्य संस्थामा आवश्यक स्वासथ्य उपकरण र सामग्रीको पनि पनि पर्याप्त रूपमा प्रबन्ध गर्न माग गरेको छ। 

त्यस्तै संगठनले सरकारले संसदिय विकास कोष, मन्त्री तथा उच्च पदस्थ व्यक्तिहरुको सुविधा कटौती गरी राहत कोष वृद्धि गर्न र आवश्यकता अनुसार जनतालाई राहत वितरण गर्न समेत संगठन माग गरेको छ।

सरकारले भारतद्वारा विगत ६ दशकदेखि अतिक्रमण गरेको नेपालको लिम्पियाधुरा, लिपुलेक र कालापानी भुभागलाई समेटेर नयाँ राजनीति र प्रशासनिक नक्सा जारी गरेकोप्रति  संगठन स्वागत समेत गरेको विज्ञप्तिमार्फत् जनाइएको छ।