काठमाडौं, १३ वैशाख –टुगेदर फर नेपाल संस्थाको आयोजनामा दुई दिने कार्यशाला गोष्ठी सम्पन्न भएको छ । राजधानीको ठमेलस्थित गा हलमा भएको गोष्ठीमा फित्थ केएम, ड्रिम्स, वि डिचभलट एन्ड स्टानड आउट, विकम अ पिपुल पर्सन, लिभ अ लिगसीले चार वटा विषयमा सहजीकरण गरेका थिए ।
युवाहरुमा क्षमता अभिवृद्धि, प्रतिभा उजागर, लक्ष्य निर्धारण, समयको सदुपयोग, राष्ट्रप्रतिको दायित्व लगायत जीवनोपयोगी बिषयमा उत्प्रेरणा जगाउने उद्देश्यले गोष्ठी अयोजना गरेको संस्थाका अध्यक्ष सुवासन भट्टराईले बताए ।
कार्यशालाका लागि भारतको हैद्रवादबाट डेभिड किरण थिरुमुर मूख्य प्रशिक्षक रुपमा सहभागी थिए । गोष्ठीमा विद्यार्थी, व्यापारी, शिक्षक, राजनीतिज्ञ, समाजसेवी, विदेशी लगायत विभिन्न क्षेत्रका ६० जनाको सहभागीता थियो ।
संस्थाले गत वर्ष पनि यस्तो गोष्ठी आयोजना गरेको थियो । आगामी दिनमा पनि यस्ता कार्यक्रम आयोजना गरिने अध्यक्ष भट्टराईले बताए ।
संस्थाका सल्लाहकार इटालीका पिरएन्जेलो फेब्रीले नेपाल प्राकृतिक रुपमा सुन्दर भएकाले अथाह सम्भावना रहेकोे बताए । प्राकृतिक जटाहरूसँग मानवीय संवेदना जोडिनु पर्नेमा उनले जोड दिए ।
