मुम्बई, १४ चैत्र– भारतीय अभिनेता विनोद खन्नाको ७० बर्षको उमेरमा निधन भएको छ । क्यान्सरबाट ग्रसित खन्ना लामोसमयदेखि विरामी थिए ।
मुम्बईको गिरगांवस्थित एचएन रिलायन्स फाउन्डेशन एण्ड रिसर्च सेन्टरमा उपचाररत थिए । उनी पूर्व सांसद पनि हुन् ।
विनोद खन्ना अस्पतालमा हुँदाको तस्वीर सामाजिक सञ्जालमा फैलिएपछि उनको मृत्युको हल्ला सबैतिर भाइरल भएको थियो । उनको मृत्यु भएको ठानेर बीजेपीका नेताले मेघालयमा भएको कार्यक्रममा शोकसभा समेत गरेका थिए ।
पछि उनले खन्नाको मृत्यु भएको झुठो थाहापाएपछि माफी मागेका थिए र खन्नाको स्वास्थ्यको समेत कामना गरेका थिए ।
खन्नाको निधन भएको भन्दै धेरैले मोबाइलमा मेसेज समेत गर्न भ्याएका थिए ।
उनको निधन भएको ठानेर मेघालय बीजेपी नेताले २ मिनेटको शोक समेत मनाएका थिए ।
मेघालय बीजेपीका नेता डेविड खरसातीले सामाजिक सञ्जालमा खन्नाको मृत्युको हल्लाका कारण दुई मिनेट शोक मनाएकोप्रति खेद जनाएका थिए । र,साथै उनले उनको लामो आयुको कामना समेत गरेका थिए ।
