०७ असार २०८३, आइतबार
सत्तारूढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले केही दिनयता राजधानी लगायत देशका विभिन्न ठाउँहरूमा भएको सरकारविरोधी प्रदर्शनलाई ‘राजावादीहरूको प्रदर्शन’ भएको बताएका छन् ।
शनिवार प्रतिनिधिसभामा बोल्दै प्रचण्डले भने, ‘आउँदै गर्दा बाटोमा एकजना स्टाफ साथीले भन्नुभयो – कोही कोहीले भन्या छन् रे लौ पार्टीहरूले त देश बचाउन सक्ने भएनन्, फेरि सामन्तहरू नै आउनुपर्यो भनेर प्लेकार्ड बोक्या छन् अरे । भनेर सुनाउनुभयो मलाई ।’
उनले यस्तो प्रदर्शन गर्नेहरूलाई खबरदारी गरे । ‘मैले शुरुमै भनें राजतन्त्रले गुमाएको जमिन गणतन्त्रले फिर्ता ल्याउँदै छ खबरदार !’ उनले भने । उनले जनता कसैको भ्रमको पछि नलाग्ने बताए ।
उनले राष्ट्रिय मुद्दामा सबै एकजुट भएर विश्वलाई सन्देश दिएको बताए । नेपालमा राष्ट्रिय एकता हुनु भनेको भारतविरोधी कदम नभएको भन्दै प्रचण्डले भारतले नेपाल र नेपालीको भावनाको सम्मान गर्नुपर्नेसमेत बताए ।
