काठमाडौं, १६ वैशाख–उत्तर कोरियाले वेल्यास्टिक क्षेप्यास्त्र परीक्षण गरेको छ । दक्षिण कोरियाका सेनाले यसको दावी गरेको छ ।
दक्षिण कोरियाको सेनाका अनुसार मिसाइल छोडेको केही समयमा नै विस्फोट भएको थियो ।
समाचार एजेन्सी रोयटर्सले अमेरिकी सरकारको एक सूत्रलाई उद्धृत गर्दै जनाए अनुसार उत्तरको आणविक मिसाइल परीक्षण असफल भएको थियो । अमेरिकी राष्ट्रपति ट्रम्पले उत्तर कोरियाको परीक्षणले आफ्नो मुख्य सहयोगी चीनलाई सम्मान नगरेको देखिएको छ ।
दक्षिण कोरियाका सेना प्रमुखका अनुसार यो मिसाइल राजधानी प्योङयाङको उत्तर स्थित प्योनगान प्रान्तको एक परीक्षणस्थलमा स्थानीय समय अनुसार विहान परीक्षण गरिएको थियो ।
यस विषयमा उत्तरले भने केही प्रतिक्रिया जनाएको छैन ।
अमेरिकी विदेशमन्त्रीले विश्वका बाँकी देशलाई उत्तर कोरियाको परमाणु कार्यक्रम रोक्नका लागि दबाब दिन आह्वान गरेको हेही घण्टापछि नै उत्तरले यो परीक्षण गरेको हो ।
दक्षिण तथा उत्तर कोरियाले ठूलो मात्रामा सैन्य अभ्यास गरेका कारण कोरियाली प्रायद्विपमा तनाव बढेको छ ।
करिब एक हप्ता पहिला पनि उत्तर कोरियाको मिसाइल परीक्षण असफल भएको थियो । अमेरिकी सेनाका अनुसार उत्तरले मिसाइल परीक्षण गरेको केही समयमा नै विस्फोट भएको थियो ।
