साउदी अरबको राजधानी रियादमा मंगलवार बिहान अनेकौं ड्रोन तथा क्षेप्यास्त्र आक्रमण गरिएका छन् । 

साउदीमा रहेको अमेरिकी दूतावासले आक्रमणको पुष्टि गरेको छ । आक्रमण रियादको भवनमा गरिएको हो । यमनमा रहेका हूती विद्रोहीले यो आक्रमण गराएको बताइएको छ । 
 

हूतीहरूले रियादमा थप आक्रमण गर्न सक्ने अनुमान लगाइएको छ । 

सोमवार यमनमा हूती विद्रोहीले गरेको ड्रोन आक्रमणलाई साउदीले विफल बनाएको थियो । अरब गठबन्धनका प्रवक्ता कर्नेल तुर्की अल मलिकीले बताएअनुसार, हूती विद्रोहीहरूले ड्रोन आक्रमण गरेर नागरिक तथा आवासीय क्षेत्रलाई तारो बनाउन खोजेका थिए ।

आफूहरूले ती आक्रमण विफल पारेको उनले जनाए ।