आफू राम्री नभएकोमा केही युवती चिन्तित हुन्छन् । तर, एक २४ वर्षीय युवती भने अत्याधिक राम्री भएकी कारण समस्यामा परेकी छिन् । नायिकाको रुपमा देखा पर्ने यीनि सुन्दरी भएका कारण प्रतिवन्धित नै हुनुपरेको छ ।
कम्बोडियाली नायिका डेनी ननलाई अर्को एक वर्षसम्म नयाँ फिल्म बनाउन प्रतिबन्ध लगाइएको छ । उनी सेक्सी भएको भन्दै त्यहाँको सरकारले उनीमाथि प्रतिवन्ध लगाएको हो ।
कम्बोडिया संस्कृति र कला मन्त्रालयकाअनुसार उनको फेसबुकमा राखिएको फोटोले आचार संहिताको उल्लंघन गरिरहेको छ । फेसबुकमा उनको संसारभरबाट ३ लाखभन्दा धेरै फलोअर्स छन् ।
यता ननले भने अन्य नायिकाले जस्तो आफूले त्यस्तो केही पनि नगरेको स्पष्टिकरण दिँदै आफूलाई प्रतिबन्ध गरिएकोमा रोष व्यक्त गरेकी छिन् ।
नन भन्छिन्, ‘कम्बोडियामा थुप्रै सेक्सी कलाकार छन् । कोही त सुटिङका बेला मभन्दा बढि सेक्सी पोज दिने गर्दछन्, चुम्बनका दृश्य दिन्छन्, बेड सिन दिन्छन् ।’
ननले तस्बिर पोष्ट गर्ने बेला अब धेरै सेक्सी देखिने फोटो सार्वजनिक नगर्ने बताएकी छिन् । यद्यपी, आफू प्राकृतिक रुपमा नै सेक्सी देखिने गरेको उनको भनाइ छ ।
यता डिसिप्लिनरी काउन्सिलका प्रमुख कामरोउन वंथाले भने, ‘मिस ननलाई यो सजायँ दिइएको हो किनभने उनले मन्त्रालयलाई गत मे महिनामा दिएको लिखित प्रतिबद्धतालाई पूरा गर्न असफल भएकी छिन् ।’
