१८ असार २०८३, बिहीबार
नेपालमा कोरोना भाइरस संक्रमितको संख्या १२ हजार ३०९ पुगेको छ । शनिवार थप ५५४ जनामा कोरोना भाइरस संक्रमण पुष्टि भएको हो ।
कोरोना संक्रमणको अद्यावधिक विवरण सार्वजनिक गर्दै स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले कूल संक्रमितमध्ये १३६९ महिला र १० हजार ९४० पुरुष रहेका जानकारी दिए ।
प्रवक्ता गौतमले ७७ वटै जिल्लामा कोरोना संक्रमण पुगेको जानकारी दिए । शनिवार कैलालीको गोदावरीका १ जना कोरोना संक्रमित पुरुषको मृत्यु भएको प्रवक्ता गौतमले बताए । यससँगै संक्रमितको मृत्युको संख्या २८ पुगेको छ ।
संक्रमितमध्ये हालसम्म २ हजार ८३४ जना अस्पतालबाट डिस्चार्ज भएका छन् । पछिल्लो २४ घण्टाको तथ्यांक अनुसार १३६ जना डिस्चार्ज भएका छन् ।
