१० साउन २०८३, आइतबार
याङ्से क्षेत्रमा मुसलधारे वर्षा भएपछि चीनका कतिपय मुख्य शहरमा बाढी आएको छ । त्यससँगै थ्री गर्जेज बाँधमा पानी छोडिएपछि नदी किनारमा रहेका शहर डुबानमा परेका छन् ।
बाढीका कारण कम्तीमा ७८ जनाको ज्यान गइसकेको छ भने एक करोडभन्दा बढी मानिसमा नकारात्मक असर परेको छ । सडकहरू पानीमा डुबेको र स्कूटरहरू बगेका दृश्य सामाजिक सञ्जालमा देखिएका छन् ।
यिचाङ शहरका मानिसले थ्री गर्जेज र गेजुबा बाँधको पानी छोडिएकाले आफूहरू डुबानमा परेको बताएका छन् ।
हुनान प्रान्तमा उच्च भोल्टेजको बिजुलीको खम्भा पानीमा खसेपछि उक महिलाको करेन्ट लागेर मृत्यु भएको छ ।
हुनानको सियाङयाङ शहरमा बस्ने ली नामक महिलाले याङ्से नदीको जलस्तर निकै उच्च रहेको बताइन् ।
वाङ नाम गरेका एक स्थानीय बासिन्दाले बाढीका कारण आफ्नो फर्निचर बगेर गएको बताए ।
